"Real Madrid" yarim himoyachisi Federiko Valbverde "Atalanta"ga qarshi o‘yin oldidan matbuotga o‘z fikrlarini bildirib o‘tdi.
"Biz o‘yinga "Real" o‘rganib qolganidan boshqacha vaziyatda yaqinlashyapmiz. Biz tepada bo‘lishga va ko‘proq xotirjamlikka odatlanganmiz, ammo pozisiyamizni o‘zgartirishning yagona yo‘li - o‘z o‘rnimizga qaytish uchun kurashish. "Atalanta" - hamma narsani qiyinlashtira oladigan jamoa. Ularda juda tez o‘yinchilar bor, ular sizga to‘pni osonlik bilan olib ketishingizga yo‘l qo‘ymaydi, ammo biz qiyinchiliklarga tayyormiz.
"Atletik"ga qarshi o‘yinda xato? Menga tanaffus kerak emas, men o‘ynashni davom ettirmoqchiman. Bilbaodagi xatodan so‘ng, men uchun qiyin bo‘ldi, lekin rafiqam meni yetakchi ekanligimga ishontirdi, men bunga munosib yashashga harakat qilaman", - deya Valverdening so‘zlarini keltiradi UYEFA matbuot xizmati.
