"Liverpul" bosh murabbiyi Arne Slot "Jirona"ga qarshi o‘yindan umidlari bilan o‘rtoqlashdi.
"Menimcha, ularning o‘yin modeli alohida ajralib turadi. "Jirona" futbolga qiziq tasavvurga ega, ular har doim kombinasion tarzda himoyadan chiqishni xohlashadi. Ularda yaxshi o‘yinchilar ko‘p, lekin men niderlandman, shuning uchun Blind va uning bu yerda erishgan yutuqlarini alohida ta’kidlamasdan ilojim yo‘q. Deyli to‘p bilan juda qulay, raqib chizig‘ini buzadi.
"Liverpul"ning himoyadagi o‘yini? Ha, bizda yaxshi himoya bor, lekin bu nafaqat himoyachilar va darvozabonga tegishli, hamma buning ustida astoydil harakat qilmoqda", - deya Slot so‘zlaridan iqtibos keltiradi UYEFA matbuot xizmati.
