Ruben Baraxada yana bir yo‘qotish bor. Giorgi Mamardashvili "Rayo Valyekano"ga qarshi o‘yinning birinchi bo‘limida o‘zini noqulay his qildi va bu jamoa murabbiylar shtabini xavotirga soldi, biroq uchrashuvni yakunlashga muvaffaq bo‘ldi.
Bugun "Valensiya" tibbiy xizmati noxush xabar tarqatdi. "Ko‘rshapalaklar"ning xabar berishicha, 24 yoshli darvozabonga o‘ng oyog‘ida to‘g‘ridan-to‘g‘ri son suyagi jarohati tashxisi qo‘yilgan. Marca nashri xabariga ko‘ra, gruziyalik posbon kamida 3 hafta maydonga tusha olmaydi. Giorgining darvozadagi o‘rnini Stole Dimitriyevski egallaydi.
Eslatib o‘tamiz, joriy mavsumda Giorgi Mamardashvili 14ta o‘yinda maydonga tushib, shundan 3tasida o‘z darvozasi daxlsizligini saqlab qolgan va jami 22ta gol o‘tkazib yuborgan.
