Huquqlari "Bayer"ga tegishli bo‘lgan hujumkor yarim himoyachi Florian Virs faoliyatini ispan grandida davom ettirishi mumkin.
"Los-Blankos" rahbariyati futbolchini yozgi transfer oynasida qo‘lga kiritishga harakat qiladi. Virsning bozor qiymati 130 million yevroga baholanmoqda va uning "farmasevtlar" bilan shartnomasi 2027 yilning iyun oyi oxirida tugaydi.
Germaniya chempionatining joriy mavsumida Florian 13 ta o‘yinda maydonga tushdi. Qanot hujumchisi beshta gol urdi va to‘rtta golli uzatmani amalga oshirdi.
