"Barselona" vingeri Lamin Yamal Dortmundning "Borussiya"si bilan o‘yindagi (3:2) jamoasining o‘yini haqida o‘z fikrlari bilan o‘rtoqlashdi.

Uchrashuvdagi barcha gollar ikkinchi bo‘limda kiritildi. “Bambllar” ikki marta hisobni tenglashtirdi, ammo Ferran Torresning 85-daqiqada kiritgan goliga javob topa olmadi.

"Biz aniq golli vaziyatlar yaratdik. Ikkinchi bo‘limda dortmundliklar o‘yinni nazorat qila boshladilar, ammo bunday stadionlarda o‘ynashda qiyinchiliklarga dosh bera olish muhim. “Betis” bilan o‘yindan saboq olishimiz kerak edi”, - dedi golli uzatmani amalga oshirgan va uchrashuvning eng yaxshi futbolchisi deb topilgan 17 yoshli Yamal.