"Liverpul" o‘z tarkibini kuchaytirish ustida ishlamoqda.

Mersisaydliklar klubining transfer maqsadi "Brayton" hujumchisi Joau Pedro bo‘ladi.

"Qizillar" kelasi yozda 23 yoshli braziliyalik futbolchini o‘z safiga qo‘shib olmoqchi. Muzokaralar yanvar oyida boshlanishi mumkin.

Nufuzli Transfermarkt portali ekspertlari Joau Pedroni 50 million yevroga baholamoqda. Joriy Angliya chempionatida 23 yoshli braziliyalik 9 ta o‘yin o‘tkazib, 4 ta gol urdi va sheriklari uchun 3 ta golli uzatmani amalga oshirdi.