Joze Mourinyo "Fenerbaxche" tarkibidagi muammolar haqida kinoya bilan gapirdi.
Kecha “Fenerbaxche” Yevropa Ligasi umumiy bosqichi 6-turida o‘z maydonida “Atletik”ga imkoniyatni boy berdi (0:2). 2-bo‘limda jamoa ozchilikda qoldi - himoyachi Mert Muldur ikkita sariq kartochka olib, maydondan chetlatildi.
"Keyingi Yevropa ligasidagi o‘yinimiz "Lion"ga qarshi bo‘ladi - Muldur diskvalifikasiya qilindi, chap qanot himoyasida kim o‘ynaydi? Sizlardan yoki televideniye mutaxassislaridan birontasi menga yordam bera oladimi? Kim chap qanot himoyachisi o‘ynaydi?
Ba’zan siz jurnalistlar narsalarga haqiqiy rasmni tushunmay turib qaraysiz. Bilmayman - afsuski, turk tilida bir necha so‘z aytishim mumkin - klubimiz vaziyatni tushunish uchun to‘g‘ri ma’lumotni taqdim etyaptimi? Men barcha futbolchilarim tayyor bo‘lishini istardim. Ko‘ryapsizmi, bu biz uchun qanchalik qiyin. “Atletik”ga qarshi o‘yinda zaxirada birorta ham yarim himoyachimiz yo‘q edi.
Men futbolchilarimdan mamnunman. Men futbolchilarimni taqdirga topshirmayman. Bu yerga kelib, menda yaxshiroq o‘yinchilar bo‘lsa, deyishimni kutmang. Men Jeyden Ostervolde tayyor bo‘lishini istardim, chunki usiz biz haqiqatan ham qiyin vaqtlarni boshdan kechirmoqdamiz. Lekin xavotir olmang, biz keyingi bosqichga chiqish niyatidamiz. Uch ochko olishimiz uchun yana ikkita o‘yinimiz bor va biz ularni qo‘lga kiritamiz. Mavsumning ikkinchi yarmida kuchayib boramiz", - dedi “Fenerbaxche” bosh murabbiyi.
