"Barsa" afsonalari Andres Inyesta sharafiga o‘tkazilgan o‘yinda "Real Madrid" faxriylarini mag‘lub etishdi.
O‘yin 2:1 hisobida yakunlandi. Uchrashuvning 31-daqiqasida Xavyer Saviola hisobni ochdi. 69-daqiqada Xavyer Balboa hisobni tenglashtirdi. Qo‘shib berilgan daqiqalarda "Real Madrid" futbolchisi Fernando Sanz qanotdan Andres Inyestaning uzatmasidan so‘ng avtogol muallifiga aylandi.
Uchrashuv oktyabr oyida faoliyatini yakunlagan Inyestaga bag‘ishlandi. O‘yin boshlanishidan oldin "Real Madrid" vakillari 40 yoshli yarim himoyachiga hurmat belgisi sifatida uning ismi yozilgan klub futbolkasini sovg‘a qilishdi.
