Xarri Maguayr va "Manchester Yunayted" yangi shartnoma imzolashlari mumkin. 31 yoshli himoyachi klub bilan yangi shartnoma borasidagi muzokaralar haqida gapirdi.
Futbolchining haftasiga 190 ming funt maosh oladigan amaldagi shartnomasi olti oydan keyin tugaydi. Klubda uni bir mavsumga uzaytirish imkoniyati bor.
"Ayni paytda barcha belgilar ijobiy. Biz ijobiy suhbatlashyapmiz", - dedi Maguayr.
Joriy mavsumda angliyalik futbolchi APLda 9 ta o‘yin o‘tkazib, 4 ta sariq kartochka ishlab oldi. Futbolchi 2019 yildan buyon “Manchester Yunayted”da o‘ynab kelmoqda.
