"Monako" bosh murabbiyi Adi Xyutter jamoaning amerikalik hujumchisi Folarin Balogunning jarohati tufayli jamoa hujumini kuchaytirish uchun yanvar oyida yana bir hujumchi bilan shartnoma imzolamoqchi ekanligini aytdi. Transferga nomzodlardan biri "PSJ"ning fransiyalik hujumchisi Randal Kolo Muani.
"Biz hushyor bo‘lishimiz kerak. Bizning vazifamiz - transfer bozorini kuzatish. Muani bilan shartnoma tuzsak yaxshi bo‘lardi (kuladi).
Lekin rostini aytsam, hozir kim bo‘lishini aniq bilmaymiz. Bizda bir nechta variantlar mavjud. Biz gol uradigan odamni topishimiz kerak", - dedi Xyutter ESPN bilan suhbatda.
Eslatib o‘tamiz, Balogunning yelkasi chiqib ketgan edi. Joriy mavsumda amerikalik futbolchi 10 ta uchrashuvda qatnashib, 3 ta gol urdi va bitta golli uzatmani amalga oshirdi.
