"Монако" бош мураббийи Ади Хюттер жамоанинг америкалик ҳужумчиси Фоларин Балогуннинг жароҳати туфайли жамоа ҳужумини кучайтириш учун январь ойида яна бир ҳужумчи билан шартнома имзоламоқчи эканлигини айтди. Трансферга номзодлардан бири "ПСЖ"нинг франциялик ҳужумчиси Рандал Коло Муани.
"Биз ҳушёр бўлишимиз керак. Бизнинг вазифамиз - трансфер бозорини кузатиш. Муани билан шартнома тузсак яхши бўларди (кулади).
Лекин ростини айтсам, ҳозир ким бўлишини аниқ билмаймиз. Бизда бир нечта вариантлар мавжуд. Биз гол урадиган одамни топишимиз керак", - деди Хюттер ESPN билан суҳбатда.
Эслатиб ўтамиз, Балогуннинг елкаси чиқиб кетган эди. Жорий мавсумда америкалик футболчи 10 та учрашувда қатнашиб, 3 та гол урди ва битта голли узатмани амалга оширди.
