"Atalanta" bosh murabbiyi Jan-Pyero Gasperini italyan klubi va Nigeriya terma jamoasi hujumchisi Ademola Lukmanning Afrikada yilning eng yaxshi futbolchisi deb topilganiga munosabat bildirdi.
"Ko‘p yillar davomida "Atalanta"ning maqsadi o‘yinchilarni yaxshilash va ularga yuqori cho‘qqilarni zabt etishda yordam berish edi. Bu mening xizmatlarim emas, bu "Atalanta"da futbolchilarning o‘sishiga yordam bergan barchaning xizmatlari va, albatta, futbolchilarning o‘z xizmatlari. Ularda hamma narsa bor, biz ularga bu borada yordam beramiz", - deya Gasperinining so‘zlarini keltiradi Football Italia.
O‘tgan mavsumda Ademola Lukman klub safida barcha turnirlarda 45 ta o‘yin o‘tkazib, 17 ta gol urdi va 9 ta golli uzatmani amalga oshirdi.
