"PSJ" chorshanba kuni safarda "Monako"ni 4:2 hisobida mag‘lub etdi. Natijada parijliklarning Liga 1dagi peshqadamligi mustahkamlandi - ularning eng yaqin ta’qibchilari 10 ochko ortda qolmoqda. Muvaffaqiyatli o‘tgan o‘yindan so‘ng parijliklar ustozi Luis Enrike o‘z fikrlarini bildirib o‘tdi.
"Biz juda yuqori saviyadagi o‘yin o‘tkazdik. Biz ko‘plab vaziyatlar yaratdik va qarshi hujumlarda raqibimizni chekladik. Bu g‘alaba juda muhim, bu bizning mavsum boshidanoq barqarorligimizni ko‘rsatadi. Intriga o‘ldimi? Yo‘q, Liga 1'da hali ham kurash bor", dedi Enrike matbuot anjumanida.
"PSJ" 2024 yildagi so‘nggi o‘yinini 22 dekabr kuni – Fransiya kubogi 1/32 finalida "Lans"ga qarshi o‘tkazadi.
