"ПСЖ" чоршанба куни сафарда "Монако"ни 4:2 ҳисобида мағлуб этди. Натижада парижликларнинг Лига 1даги пешқадамлиги мустаҳкамланди - уларнинг энг яқин таъқибчилари 10 очко ортда қолмоқда. Муваффақиятли ўтган ўйиндан сўнг парижликлар устози Луис Энрике ўз фикрларини билдириб ўтди.

"Биз жуда юқори савиядаги ўйин ўтказдик. Биз кўплаб вазиятлар яратдик ва қарши ҳужумларда рақибимизни чекладик. Бу ғалаба жуда муҳим, бу бизнинг мавсум бошиданоқ барқарорлигимизни кўрсатади. Интрига ўлдими? Йўқ, Лига 1'да ҳали ҳам кураш бор", деди Энрике матбуот анжуманида.

"ПСЖ" 2024 йилдаги сўнгги ўйинини 22 декабрь куни – Франция кубоги 1/32 финалида "Ланс"га қарши ўтказади.