«Seltik» «Arsenal» futbolchisi Kiran Tirnini sotib olishga harakat qilishi kutilmoqda. Glazgo klubi uning transferi uchun ingliz jamoalari bilan raqobatlashishga tayyor.

«The Telegraph» xabariga ko‘ra, 27 yoshli Tirni kelasi yili «Arsenal»ni tark etadi. Uning London klubi bilan shartnomasi yozda nihoyasiga yetadi, shuning uchun «kanonirlar» uni erkin agent sifatida qo‘yib yuborishga tayyor va agar boshqa klublardan tegishli takliflar bo‘lsa, yanvarda uni sotishga qarshi bo‘lmaydi.

Ma’lumki, «Arsenal» Kiran Tirni bilan shartnomani bir yilga uzaytirishi mumkin edi, ammo London klubi rahbariyati buni qilmaslikka qaror qildi, chunki 27 yoshli himoyachi Mikel Artetaning rejalariga kiritilmagan.

Kiran Tirni 2019 yilda «Arsenal»ga o‘tgunga qadar «Seltik» tarkibida 170 ta o‘yinda maydonga tushdi.