Pol Pogbaning akasi Matiya Pogba qamoq jazosiga hukm qilindi.  

Eslatib o‘tamiz, 26 noyabrdan boshlab Parijda Pol Pogbani o‘g‘irlash va undan 13 million yevro talab qilish bilan bog‘liq sud jarayonlari o‘tkazildi. Bu ish bo‘yicha ayblanuvchilar orasida uning akasi Matiya ham bor edi.  

Prokuratura Matiya Pogbani 3 yillik qamoq jazosiga hukm qilishni, shundan 2 yilini shartli qilishni va elektron braslet yoki uy qamog‘iga almashtirish imkoniyatini taklif etgan. Jinoiy guruhning boshqa 5 a’zosi uchun 5 yildan 8 yilgacha qamoq, 20 ming yevrodan boshlab jarimalar va 10 yil davomida qurol-yarog‘ olib yurishni taqiqlashni talab qilgan.  

RMC Sport xabariga ko‘ra, sud Matiya Pogbani 3 yillik ahloq tuzatuvchi koloniyaga hukm qildi, shundan 2 yili shartli ravishda, va 20 ming yevro jarima tayinladi.  

Qolgan 5 ayblanuvchi 1 yildan 8 yilgacha qamoq jazosi va 20 mingdan 40 ming yevrogacha jarimalarga hukm qilindi. Ularning barchasiga keyingi 10 yil mobaynida qurol-yarog‘ga egalik qilish taqiqlanadi.