Frankfurtning «Ayntraxt» klubi hujumchisi Omar Marmush Germaniya Bundesligasida o‘tgan noyabr oyining eng yaxshi futbolchisi bo‘ldi, deb xabar berdi turnir matbuot xizmati.
Eslatib o‘tamiz, Marmushning jamoasi «Ayntraxt» Germaniya chempionatining joriy mavsumida chempionlikka nomzodlardan biri hisoblanadi. Noyabr oyidagi uchta o‘yinda Omar «burgutlar»ning raqiblari darvozasiga ikkita gol urib, to‘rtta golli uzatmani amalga oshira oldi. Aytgancha, «Ayntraxt» ushbu uchta uchrashuvning har birida g‘alaba qozonishga muvaffaq bo‘ldi.
Eslatib o‘tamiz, ayni damda turnir jadvalida «Ayntraxt» 29 ochkoga ega va «Bavariya»dan 4 ochko ortda qolgan holda ikkinchi o‘rinda bormoqda.
