Франкфуртнинг «Айнтрахт» клуби ҳужумчиси Омар Мармуш Германия Бундеслигасида ўтган ноябрь ойининг энг яхши футболчиси бўлди, деб хабар берди турнир матбуот хизмати.
Эслатиб ўтамиз, Мармушнинг жамоаси «Айнтрахт» Германия чемпионатининг жорий мавсумида чемпионликка номзодлардан бири ҳисобланади. Ноябрь ойидаги учта ўйинда Омар «бургутлар»нинг рақиблари дарвозасига иккита гол уриб, тўртта голли узатмани амалга ошира олди. Айтганча, «Айнтрахт» ушбу учта учрашувнинг ҳар бирида ғалаба қозонишга муваффақ бўлди.
Эслатиб ўтамиз, айни дамда турнир жадвалида «Айнтрахт» 29 очкога эга ва «Бавария»дан 4 очко ортда қолган ҳолда иккинчи ўринда бормоқда.
