Konferensiyalar ligasi Chempionlar ligasi va Yevropa ligasiga qaraganda qisqaroq umumiy bosqichga ega. UEFAning uchinchi darajali klublar musobaqasi ushbu bosqichi oltita turdan iborat bo‘lib, oxirgisi payshanba oqshomida tugadi.
"Chelsi" umumiy bosqichning eng sermahsul jamoasi bo‘ldi. Enso Mareska shogirdlari olti o‘yinda 26 ta gol urishga muvaffaq bo‘ldi. Ma’lum bo‘lishicha, londonliklar har bir o‘yinda o‘rtacha 4,33 tadan gol urishgan.
“Chelsi” bunday yuqori o‘yin bilan Konferensiyalar ligasining umumiy bosqichidagi barcha uchrashuvlarida g‘alaba qozongandi.
