Hafta boshida shveysariyalik o‘zining 36 yoshini qarshi oldi. Tajribali darvozabon hamon Simone Indzagi jamoasida asosiy o‘rinni egallab turibdi, shu bois u ketish haqida xayoliga ham keltirmayapti.
"Men “Inter”da juda baxtliman, klub menga ko‘p narsani beradi. Hali faoliyatimni yakunlashdan juda yiroqman, buni ham jismonan, ham ruhiy jihatdan his qilyapman", dedi tajribali futbolchi.
Yann Zommerning "Inter" bilan shartnomasi 2026 yilning o‘rtalariga qadar amal qiladi. Joriy mavsumda darvozabon “neradzurrilar” safida barcha musobaqalarda 21 ta o‘yinda maydonga tushib, jami 16 ta gol o‘tkazib yuborgan.
