Ҳафта бошида швейцариялик ўзининг 36 ёшини қарши олди. Тажрибали дарвозабон ҳамон Симоне Индзаги жамоасида асосий ўринни эгаллаб турибди, шу боис у кетиш ҳақида хаёлига ҳам келтирмаяпти.
"Мен “Интер”да жуда бахтлиман, клуб менга кўп нарсани беради. Ҳали фаолиятимни якунлашдан жуда йироқман, буни ҳам жисмонан, ҳам руҳий жиҳатдан ҳис қиляпман", деди тажрибали футболчи.
Янн Зоммернинг "Интер" билан шартномаси 2026 йилнинг ўрталарига қадар амал қилади. Жорий мавсумда дарвозабон “нерадзуррилар” сафида барча мусобақаларда 21 та ўйинда майдонга тушиб, жами 16 та гол ўтказиб юборган.
