"Atletiko" darvozaboni Yan Oblak jamoaning "Barselona" ustidan qozonilgan g‘alabasi (2:1) qanchalik og‘ir bo‘lgani haqida gapirdi.
"Biz ko‘p aziyat chekdik. Biz yomon boshladik, avvaliga tushunarsiz qo‘rquvni his qildik. Biz juda yomon edik, lekin sabr qildik, ertami-kechmi imkoniyatimiz bo‘lishini bilardik.
Bu hal qiluvchi g‘alaba emas, oldinda ko‘p o‘yinlar bor. Biz "Barselona"dan uch ochkoga o‘zib ketyapmiz, lekin kurashishimiz kerak. Ikkita raqibimiz juda kuchli. Bir yarim oy oldin biz juda orqada qolib ketgandik. Umid qilamanki, biz birinchi o‘rinni saqlab qolamiz," - dedi Oblak o‘yindan keyingi intervyusida.
