Angliya chempionatining 17-turi doirasida «Manchester Yunayted» o‘z maydonida «Bornmut»ni qabul qilib, kutilmaganda, imkoniyatni boy berib qo‘ydi.

Mezbonlar o‘yinni yomon boshlashmadi, jamoa 2-3ta golga tortadigan vaziyat yaratdi. Ammo hisobni mehmonlar ochishdi. O‘ng qanotdan jarima zarbasidan yetkazilgan to‘pni Din Xeysen bosh bilan darvozaga joylab qo‘ydi. Birinchi bo‘lim so‘ngida "MYU" yana 3 ta vaziyatni golga aylantira olmadi.

59-daqiqada esa "Yunayted" darvozasi tomon penalti belgiladi. Jastin Klyuyvert "standart"dan unumli foydalanib, hisobdagi farqni oshirdi.

Oradan atigi 4 daqiqa o‘tib "Bornmut" hisobni yirik ko‘rinishga keltirdi. Qanotdan yetkazilgan uzatmani Antuan Semenyo darvozaga joylab qo‘ydi.

Amorim shogirdlari shundan keyin ham raqib darvozasi yaqinida golli vaziyatlarni yuzaga keltirishdi. Ammo bu oqshom "MYU"ga gol urish nasib etmadi va o‘z uyida yirik hisobda yutqazib qo‘ydi.

"Bornmut" ushbu g‘alaba tufayli o‘z ochkolarini 28 taga yetkazib, jadvalda 5-o‘ringa ko‘tarilib oldi. "MYU" esa 22 ochko bilan 13-pog‘onaga tushib qoldi.

APL, 17-tur
Manchester Yunayted – Bornmut 0:3 (0:1, 0:2)
Gollar: 0:1 – 29 Xeysen, 0:2 – 61, penalti Klyuyvert, 0:3 – 63 Semenyo.
Manchester Yunayted – Onana, Martines, Maguayr, Mazraui, Brunu Fernandesh, Diallo, Malasia (Yoro, 46), Maynu, Ugarte (Garnacho, 55), Diogu Dalot, Zirkze (Xeylund, 54).
Bornmut – Arrisabalaga, Kerkez, Xeysen, Zabarniy, Smit (Kuk, 46), Kristi, Adams (Xill, 89), Uattara, Klyuyvert (Billing, 78), Semenyo (Bruks, 89), Evanilson (Unal, 71).
Ogohlantirishlar: Smit (35), Ugarte (37), Arrisabalaga (82), Xeysen (90+1).