Англия чемпионатининг 17-тури доирасида «Манчестер Юнайтед» ўз майдонида «Борнмут»ни қабул қилиб, кутилмаганда, имкониятни бой бериб қўйди.

Мезбонлар ўйинни ёмон бошлашмади, жамоа 2-3та голга тортадиган вазият яратди. Аммо ҳисобни меҳмонлар очишди. Ўнг қанотдан жарима зарбасидан етказилган тўпни Дин Хейсен бош билан дарвозага жойлаб қўйди. Биринчи бўлим сўнгида "МЮ" яна 3 та вазиятни голга айлантира олмади.

59-дақиқада эса "Юнайтед" дарвозаси томон пенальти белгилади. Жастин Клюйверт "стандарт"дан унумли фойдаланиб, ҳисобдаги фарқни оширди.

Орадан атиги 4 дақиқа ўтиб "Борнмут" ҳисобни йирик кўринишга келтирди. Қанотдан етказилган узатмани Антуан Семеньо дарвозага жойлаб қўйди.

Аморим шогирдлари шундан кейин ҳам рақиб дарвозаси яқинида голли вазиятларни юзага келтиришди. Аммо бу оқшом "МЮ"га гол уриш насиб этмади ва ўз уйида йирик ҳисобда ютқазиб қўйди.

"Борнмут" ушбу ғалаба туфайли ўз очколарини 28 тага етказиб, жадвалда 5-ўринга кўтарилиб олди. "МЮ" эса 22 очко билан 13-поғонага тушиб қолди.

АПЛ, 17-тур
Манчестер Юнайтед – Борнмут 0:3 (0:1, 0:2)
Голлар: 0:1 – 29 Хейсен, 0:2 – 61, пенальти Клюйверт, 0:3 – 63 Семеньо.
Манчестер Юнайтед – Онана, Мартинес, Магуайр, Мазрауи, Бруну Фернандеш, Диалло, Маласиа (Йоро, 46), Майну, Угарте (Гарначо, 55), Диогу Далот, Зиркзе (Хейлунд, 54).
Борнмут – Аррисабалага, Керкез, Хейсен, Забарний, Смит (Кук, 46), Кристи, Адамс (Хилл, 89), Уаттара, Клюйверт (Биллинг, 78), Семеньо (Брукс, 89), Эванилсон (Унал, 71).
Огоҳлантиришлар: Смит (35), Угарте (37), Аррисабалага (82), Хейсен (90+1).