Xesus Navas faoliyatini yakunladi.
La Liganing 18-turidan o‘rin olgan "Real"ga qarshi o‘yin 39 yoshli "Sevilya" himoyachisi faoliyatidagi so‘nggisi bo‘ldi. Navas 65-daqiqada zaxiradan maydonga tushdi va "Santyago Bernabeu"da muxlislar tomonidan olqishlar bilan kutib olindi.
Uchrashuv oldidan har ikki jamoa futbolchilari Navas uchun sharaf koridorini tashkil qilishdi va unga barcha asosiy tarkib o‘yinchilarning dastxatlari tushirilgan "Real Madrid" libosi sovg‘a qilindi.
Navas "Sevilya"da 2003 yildan 2013 yilgacha va 2017 yildan buyon o‘ynagan. Andalusiya klubi tarkibida u ikki marta Ispaniya kubogi, to‘rt marta Yevropa ligasi, bir martadan Ispaniya va Yevropa Superkubogida g‘olib chiqqan.
