"Barselona" bosh murabbiyi Xans-Diter Flik jamoasi tanaffusga muhtojligini tan oldi. Bu haqda nemis murabbiyi shanba kuni bo‘lib o‘tgan o‘z maydonida "Atletiko"dan uchralgan mag‘lubiyatdan so‘ng (1:2) ma’lum qildi.

"Tanaffus yaqinlashmoqda va menimcha, bu bizga kerak. Tanaffusdan so‘ng mashg‘ulotlarga kirishamiz va kuchimizni ko‘rsatamiz. Endi Rojdestvoni nishonlash vaqti keldi. 29 dekabrdan esa mashg‘ulotlarni boshlaymiz va mavsumning ikkinchi qismida nima qilishimiz mumkinligiga e’tibor qaratamiz", dedi Flik jurnalistlarga.