Kristofer Nkunku "Barselona"ga o‘tishga qiziqmoqda.

Diario Sport nashrining yozishicha, hujumchi "Chelsi"ni tark etmoqchi va u muntazam o‘yin vaqtini oladigan kuchli jamoa topishga umid qilmoqda. Uning agenti Pini Zaxavi "blaugrana"ga transfer imkoniyatini ko‘rib chiqishni taklif qildi.

Qayd etilishicha, fransiyalik futbolchi kelishuv tuzish uchun zarur bo‘lsa, maosh bo‘yicha yon berishga tayyor. Shu bilan birga, Nkunku qishda klubini o‘zgartirishni xohlayotgani ta’kidlangan, ammo "Barselona" moliyaviy qiyinchiliklar tufayli yanvarda bozorga kirishni rejalashtirmayapti. Hozircha kataloniyaliklardan Kristofer transferi bo‘yicha hech qanday harakat kuzatilmagan.

Nkunku joriy mavsumda Premyer-ligada 16 ta o‘yinda maydonga tushdi. U bir o‘yinda o‘rtacha 19 daqiqa maydonda harakatlandi.