Кристофер Нкунку "Барселона"га ўтишга қизиқмоқда.

Diario Sport нашрининг ёзишича, ҳужумчи "Челси"ни тарк этмоқчи ва у мунтазам ўйин вақтини оладиган кучли жамоа топишга умид қилмоқда. Унинг агенти Пини Захави "блауграна"га трансфер имкониятини кўриб чиқишни таклиф қилди.

Қайд этилишича, франциялик футболчи келишув тузиш учун зарур бўлса, маош бўйича ён беришга тайёр. Шу билан бирга, Нкунку қишда клубини ўзгартиришни хоҳлаётгани таъкидланган, аммо "Барселона" молиявий қийинчиликлар туфайли январда бозорга киришни режалаштирмаяпти. Ҳозирча каталонияликлардан Кристофер трансфери бўйича ҳеч қандай ҳаракат кузатилмаган.

Нкунку жорий мавсумда Премьер-лигада 16 та ўйинда майдонга тушди. У бир ўйинда ўртача 19 дақиқа майдонда ҳаракатланди.