"Chelsi" markaziy himoyachisi Aksel Disasiga "Yuventus" qiziqish bildirmoqda.
Turin klubi qishki transfer oynasida himoya chizig‘ini kuchaytirishni rejalashtirmoqda, bu haqda texnik direktor Krishtianu Juntoli bir necha bor e’lon qilgan. Football Italia xabariga ko‘ra, "Keksa sinyora" "Chelsi" tarkibidagi o‘rnini yo‘qotgan Disasi bilan qiziqmoqda. "Yuventus" allaqachon yanvar oyidagi potensial shartnoma haqida ma’lumot olish uchun "ko‘klar"ga murojaat qilgan. A Seriya gigantlari, ehtimol, 26 yoshli futbolchini sotib olish imkoniyati yoki majburiyati bilan ijaraga olishga harakat qiladi.
Aksel Disasining "Chelsi" bilan shartnomasi 2029 yilgacha mo‘ljallangan. Transfermarkt portali ma’lumotlariga ko‘ra, fransiyalik futbolchining narxi 30 million yevroni tashkil qiladi.
