"Sassuolo" yarim himoyachisi Domeniko Berardi qishki transfer oynasida klubini o‘zgartirishi mumkin, deya ma’lum qildi klub bosh direktori Jovanni Karnevali.

"Biz uchun hozir eng muhimi Domeniko jarohatidan forig‘ bo‘lib, o‘z formasiga qaytishi. Keling, keyin nima bo‘lishini ko‘ramiz, ammo bugungi kunga qadar takliflar yo‘q. Hozir barcha e’tiborimizni "Sassuolo"ga foyda keltirishga qaratganmiz, lekin agar unga takliflar bo‘lsa, o‘tirib muzokara qilamiz, u o‘ziga xos yigit", - deya Karnevalining so‘zlarini keltiradi Calciomercato.com.

30 yoshli Berardi joriy mavsum "Sassuolo" safida barcha turnirlarda 10 ta o‘yin o‘tkazib, 3 ta gol urdi va 9 ta golli uzatmani amalga oshirdi.