"Сассуоло" ярим ҳимоячиси Доменико Берарди қишки трансфер ойнасида клубини ўзгартириши мумкин, дея маълум қилди клуб бош директори Жованни Карневали.

"Биз учун ҳозир энг муҳими Доменико жароҳатидан фориғ бўлиб, ўз формасига қайтиши. Келинг, кейин нима бўлишини кўрамиз, аммо бугунги кунга қадар таклифлар йўқ. Ҳозир барча эътиборимизни "Сассуоло"га фойда келтиришга қаратганмиз, лекин агар унга таклифлар бўлса, ўтириб музокара қиламиз, у ўзига хос йигит", - дея Карневалининг сўзларини келтиради Calciomercato.com.

30 ёшли Берарди жорий мавсум "Сассуоло" сафида барча турнирларда 10 та ўйин ўтказиб, 3 та гол урди ва 9 та голли узатмани амалга оширди.