"Jirona" qishki transfer oynasida Erik Garsiyani qaytarib olmoqchi.

"Barselona" himoyachisi o‘tgan mavsumni jamoada ijara asosida o‘tkazdi. Himoyada jiddiy muammolarga duch kelayotgan "Jirona" futbolchini juda qadrlaydi va unga o‘yin amaliyoti beradi.

Ular yozgi transfer oynasida Garsiyani yana jamoaga qaytarishga yaqin turishgandi. Biroq futbolchi Ronald Arauxo va Andreas Kristensenning uzoq muddatli jarohatlari tufayli "Barsa"da qoldi.

Ta’kidlanishicha, kelgusi bir necha kun bu muammoni hal qilish uchun kalit bo‘ladi.

23 yoshli himoyachi joriy mavsumda La Ligada 11 ta o‘yinda maydonga tushib, 1 ta golli uzatmani amalga oshirdi.