"Manchester Yunayted" vingeri Antoni ketishi haqidagi ko‘plab mish-mishlarga qaramay, klubda qolishi mumkin.

Braziliyalik futbolchi "qizil iblislar"ning asosiy tarkibidagi o‘rnini yo‘qotdi, ammo Ruben Amorim bosh murabbiy etib tayinlangach, u maydonda ko‘proq vaqt o‘tkaza boshladi.

GiveMeSport nashrining Antonining agentiga tayanib xabar berishicha, futbolchining faoliyatini boshqa klublarda davom ettirish imkoniyatlari bor edi, biroq “Manchester Yunayted” yanvarda u bilan xayrlashmoqchi emasdi.

Antoni joriy mavsumda 11 ta o‘yinda 1 ta gol urdi. Mashhur Transfermarkt portalida 24 yoshli futbolchining taxminiy bahosi 20 million yevroga baholanmoqda.