Ange Postekoglu uchun Liga kubogi yarim finalida "Liverpul"ni mag‘lub etish muhim bo‘ladi.
"Tottenxem" 8 yanvar va 6 fevral kunlari "qizillar"ga qarshi bahs olib boradi.
Daily Mail xabariga ko‘ra, "shporlar" rahbariyati hamon bosh murabbiyni qo‘llab-quvvatlamoqda, biroq mersisaydliklar bilan qarama-qarshilik murabbiy kelajagi borasida qaror qabul qilishda asosiy faktor bo‘lib qolishi mumkin. "Liverpul"dan uchralgan mag‘lubiyat 59 yoshli mutaxassisning taqdirini hal qilishi mumkin, ayniqsa bu orada jamoa Premyer-ligada sezilarli yaxshilanishga erisha olmasa.
Postekoglu o‘tgan mavsumdan beri "Tottenxem"da ishlamoqda. Klub ayni damda chempionatda 12-o‘rinni egallab turibdi.
