“Barselona” yarim himoyachisi, Ispaniya terma jamoasida Yevropa chempioni Daniel Olmo faoliyatini Fransiyada davom ettirishi mumkin.
Sport.es xabariga ko‘ra, 26 yoshli futbolchi bilan bog‘liq vaziyat Ispaniya terma jamoasining sobiq bosh murabbiyi Luis Enrike boshchiligidagi "PSJ" tomonidan diqqat bilan kuzatilmoqda.
Avvalroq, xo‘jalik sudi "Barselona"ning Olmoni mavsumning ikkinchi qismida La Ligada ro‘yxatdan o‘tkazish haqidagi iltimosini rad etgani ma’lum bo‘lgandi. Olmoning Ispaniya chempionatiga ro‘yxatdan o‘tishning amaldagi muddati 31 dekabrda tugaydi.
"Barselona"dagi birinchi mavsumida Olmo barcha musobaqalarda 15 ta o‘yinda maydonga tushib, 6 ta gol va 1 ta golli uzatmani amalga oshirdi.
