“Барселона” ярим ҳимоячиси, Испания терма жамоасида Европа чемпиони Даниэль Ольмо фаолиятини Францияда давом эттириши мумкин.
Sport.es хабарига кўра, 26 ёшли футболчи билан боғлиқ вазият Испания терма жамоасининг собиқ бош мураббийи Луис Энрике бошчилигидаги "ПСЖ" томонидан диққат билан кузатилмоқда.
Аввалроқ, хўжалик суди "Барселона"нинг Ольмони мавсумнинг иккинчи қисмида Ла Лигада рўйхатдан ўтказиш ҳақидаги илтимосини рад этгани маълум бўлганди. Ольмонинг Испания чемпионатига рўйхатдан ўтишнинг амалдаги муддати 31 декабрда тугайди.
"Барселона"даги биринчи мавсумида Ольмо барча мусобақаларда 15 та ўйинда майдонга тушиб, 6 та гол ва 1 та голли узатмани амалга оширди.
