"Tottenxem" markaziy himoyachisi Mikki van de Ven yaqin orada klubni tark etmaydi.
23 yoshli futbolchi "Real"ga o‘tishi mumkinligi haqida xabarlar tarqalgandi, ammo "shporlar" rahbariyati yanvar oyida niderlandiyalik futbolchi bilan xayrlashmoqchi emas, deya xabar beradi jurnalist Ben Jeykobs.
Futbolchining shartnomasi 2029-yilgacha mo‘ljallangan bo‘lib, uni ozod qilish bandi yo‘q. Markaziy himoyachining o‘zi londonliklar safida o‘ynashni davom ettirishdan xursand.
Mikki van de Ven hamon jarohatidan forig‘ bo‘lmoqda.
