Yakshanba oqshomida “Lester” ustidan qozonilgan g‘alaba inqirozga yuz tutayotgan “Manchester Siti” uchun "engil nafas" olishga sabab bo‘ldi. Final hushtagi yangragandan keyingi epizodlar ijtimoiy tarmoqlarda muhokamaga sabab bo‘ldi.
Hujumchi Erling Xoland bosh murabbiy Pep Gvardiolani quchoqlab, “shaharliklar” muxlislariga vaqt ajratishga undadi. Xoland Gvardiolani mehmondagi tribuna tomon ishora qildi, u yerda muxlislar ispaniyalik mutaxassis sharafiga qo‘shiq aytayotgandi. Shundan so‘ng Xosep muxlislarni qo‘llab-quvvatlaganliklari uchun olqishladi.
“Manchester Siti” APL doirasidagi navbatdagi o‘yinini 4 yanvar, shanba kuni o‘z maydonida “Vest Xem”ga qarshi o‘tkazadi.
