Якшанба оқшомида “Лестер” устидан қозонилган ғалаба инқирозга юз тутаётган “Манчестер Сити” учун "енгил нафас" олишга сабаб бўлди. Финал ҳуштаги янграгандан кейинги эпизодлар ижтимоий тармоқларда муҳокамага сабаб бўлди.
Ҳужумчи Эрлинг Холанд бош мураббий Пеп Гвардиолани қучоқлаб, “шаҳарликлар” мухлисларига вақт ажратишга ундади. Холанд Гвардиолани меҳмондаги трибуна томон ишора қилди, у ерда мухлислар испаниялик мутахассис шарафига қўшиқ айтаётганди. Шундан сўнг Хосеп мухлисларни қўллаб-қувватлаганликлари учун олқишлади.
“Манчестер Сити” АПЛ доирасидаги навбатдаги ўйинини 4 январ, шанба куни ўз майдонида “Вест Хем”га қарши ўтказади.
