Qanot hujumchisi Antonining "Manchester Yunayted"ga o‘tishi hozircha o‘zini oqlagani yo‘q. Shu fonda 24 yoshli braziliyalik tez-tez transfer mish-mishlariga duchor bo‘ladi. Xabarga ko‘ra, "Betis" qishki transfer oynasida Antoni bilan shartnoma imzolamoqchi.
La Liga klubi futbolchini ijaraga olishni kutmoqda va uning maoshining bir qismini olishga tayyor. 2024/2025 yilgi mavsumda Antoni 11 o‘yin o‘tkazib, bitta gol urgan.
Nufuzli Transfermarkt.com portali mutaxassislari braziliyalikni 20 million yevroga baholamoqda. "Betis" ayni damda Ispaniya chempionati jadvalida 9-o‘rinda bormoqda.
