"Brayton" Fabian Xyurseler qo‘l ostida yaxshi mavsum o‘tkazmoqda. Ayni damda "chaykalar" turnir jadvalida o‘ninchi o‘rinni egallab turibdi va ularning o‘yinchilari Yevropaning ko‘plab klublari e’tiborida.
Xususan, "Bavariya" ingliz klubi darvozaboni Bart Verbryuggenni kuzatib bormoqda. Manuel Noyerning yoshini inobatga olgan holda myunxenliklar o‘z sardoriga o‘rinbosar qidirmoqda va niderlandiyalik darvozabon tajribali nemis o‘rnini bosa oladigan futbolchilar ro‘yxatidan joy oldi. Bart Verbryuggenning "Brayton" bilan shartnomasi 2028 yilgacha mo‘ljallangan va uning bozor qiymati 25 million yevroga baholanmoqda.
Eslatib o‘tamiz, joriy mavsumda 22 yoshli niderlandiyalik futbolchi 18 ta o‘yin o‘tkazib, 4 tasida o‘z darvozasi daxlsizligini saqlab qolgan va jami 27 ta gol o‘tkazib yuborgan.
