"Брайтон" Фабиан Хюрцелер қўл остида яхши мавсум ўтказмоқда. Айни дамда "чайкалар" турнир жадвалида ўнинчи ўринни эгаллаб турибди ва уларнинг ўйинчилари Европанинг кўплаб клублари эътиборида.
Хусусан, "Бавария" инглиз клуби дарвозабони Барт Вербрюггенни кузатиб бормоқда. Мануэль Нойернинг ёшини инобатга олган ҳолда мюнхенликлар ўз сардорига ўринбосар қидирмоқда ва нидерландиялик дарвозабон тажрибали немис ўрнини боса оладиган футболчилар рўйхатидан жой олди. Барт Вербрюггеннинг "Брайтон" билан шартномаси 2028 йилгача мўлжалланган ва унинг бозор қиймати 25 миллион еврога баҳоланмоқда.
Эслатиб ўтамиз, жорий мавсумда 22 ёшли нидерландиялик футболчи 18 та ўйин ўтказиб, 4 тасида ўз дарвозаси дахлсизлигини сақлаб қолган ва жами 27 та гол ўтказиб юборган.
