Italiyaning "Milan" klubida portugaliyalik mutaxassis Serxiu Konseysau yangi murabbiy sifatida paydo bo‘ldi.
U Italiya chempionatida uzoq vaqt to‘p tepgan Xuan Sebastyan Veronga yaxshi tanish va 2000 yilda "Lasio" bilan A Seriya chempioniga aylangandi.
Veron Konseysauning yangi klubidagi ilk ish davri qanday bo‘lishi haqida o‘z fikri bilan o‘rtoqlashdi.
"O‘ylaymanki, u vaziyatga biroz oydinlik kiritishga harakat qiladi. Hech qanday radikal o‘zgarishlarsiz maydonga kiradigan bitta tuzilmani aniqlab olish kerak.
Uning to‘g‘ri yo‘lda ekanligiga ishonch paydo bo‘lganda, ba’zi o‘zgarishlar bo‘ladi. Tarkibni tez-tez o‘zgartirish, menimcha, xato.
"Inter"ni qarangki, ular aynan o‘z tarkibidagi barqarorlik evaziga o‘z natijalariga erishmoqda", - deya Veronning so‘zlarini keltirmoqda pianetamilan.it.
