Италиянинг "Милан" клубида португалиялик мутахассис Серхиу Консейсау янги мураббий сифатида пайдо бўлди.
У Италия чемпионатида узоқ вақт тўп тепган Хуан Себастян Веронга яхши таниш ва 2000 йилда "Лацио" билан А Серия чемпионига айланганди.
Верон Консейсаунинг янги клубидаги илк иш даври қандай бўлиши ҳақида ўз фикри билан ўртоқлашди.
"Ўйлайманки, у вазиятга бироз ойдинлик киритишга ҳаракат қилади. Ҳеч қандай радикал ўзгаришларсиз майдонга кирадиган битта тузилмани аниқлаб олиш керак.
Унинг тўғри йўлда эканлигига ишонч пайдо бўлганда, баъзи ўзгаришлар бўлади. Таркибни тез-тез ўзгартириш, менимча, хато.
"Интер"ни қарангки, улар айнан ўз таркибидаги барқарорлик эвазига ўз натижаларига эришмоқда", - дея Вероннинг сўзларини келтирмоқда pianetamilan.it.
