Kuzda "Manchester Siti" yarim himoyachisi Rodri "Oltin to‘p" sohibiga aylandi. Krishtianu Ronaldu yil oxirida Vinisius mukofotni olishi kerakligini aytdi. Rodri portugaliyalik yulduzning so‘zlariga munosabat bildirdi.
"Ronalduning so‘zlari? Rostini aytsam, bu ajablanarli, chunki u bu mukofot qanday ishlashini va g‘olib qanday tanlanishini hammadan yaxshi biladi. Bu yil ovoz bergan jurnalistlar mukofotni olishim kerak, degan qarorga kelishdi. Aynan shu jurnalistlar qachondir unga ovoz berishgandir. O‘ylaymanki, u o‘shanda ularning qaroriga rozi bo‘lgan", - dedi Rodri.
