"Manchester Siti" bosh murabbiyi Pep Gvardiola "Vest Xem" ustidan qozonilgan g‘alabadan (4:1) keyin jamoa vingeri Savioning o‘yini haqida gapirdi.
"Savio ancha yaxshilanishi kerak, chunki u to‘psiz o‘ynaganda yetarlicha tajovuzkor emas. U ko‘p jihatdan yumshoq", - dedi Gvardiola City Report bilan suhbatda.
Shu bilan birga, ispaniyalik mutaxassis 20 yoshli braziliyalikning o‘yinidagi ijobiy tomonlarni ham qayd etdi: "Ammo hozir uning bizga yordam beradigan o‘ziga xos jihati bor! U gol urdi, unga biroz omad kulib boqdi, lekin ikkita golli uzatmasi ajoyib bo‘ldi. Men u uchun juda xursandman, u o‘ynashi kerak" - deya qo‘shimcha qildi Gvardiola.
"Manchester Siti" libosida Savio barcha turnirlarni hisobga olgan holda 25 ta o‘yin o‘tkazib, bitta gol va 8 ta golli uzatmani amalga oshirdi.
