"Манчестер Сити" бош мураббийи Пеп Гвардиола "Вест Хэм" устидан қозонилган ғалабадан (4:1) кейин жамоа вингери Савионинг ўйини ҳақида гапирди.

"Савио анча яхшиланиши керак, чунки у тўпсиз ўйнаганда етарлича тажовузкор эмас. У кўп жиҳатдан юмшоқ", - деди Гвардиола City Report билан суҳбатда.

Шу билан бирга, испаниялик мутахассис 20 ёшли бразилияликнинг ўйинидаги ижобий томонларни ҳам қайд этди: "Аммо ҳозир унинг бизга ёрдам берадиган ўзига хос жиҳати бор! У гол урди, унга бироз омад кулиб боқди, лекин иккита голли узатмаси ажойиб бўлди. Мен у учун жуда хурсандман, у ўйнаши керак" - дея қўшимча қилди Гвардиола.

"Манчестер Сити" либосида Савио барча турнирларни ҳисобга олган ҳолда 25 та ўйин ўтказиб, битта гол ва 8 та голли узатмани амалга оширди.