Praganing "Sparta" klubi darvozaboni Antonin Kinskiy faoliyatini Londonning "Tottenxem" klubida davom ettiradi. Bu haqda nufuzli insayder Fabrisio Romano xabar berdi.

Manbaga ko‘ra, 21 yoshli chexiyalikning transferi "Tottenxem"ga taxminan 12 million yevroga tushadi. Ta’kidlanishicha, tomonlar uzoq muddatli shartnoma borasida kelishib olishgan. Barcha hujjatlar bugun imzolanishi kerak, dedi jurnalist.

Joriy mavsumda Kinski barcha musobaqalarda 29 ta o‘yin o‘tkazib, 18 ta gol o‘tkazib yubordi va 14 ta o‘yinda o‘z darvozasi daxlsizligini saqlab qoldi.