Праганинг "Спарта" клуби дарвозабони Антонин Кинский фаолиятини Лондоннинг "Тоттенхэм" клубида давом эттиради. Бу ҳақда нуфузли инсайдер Фабрицио Романо хабар берди.
Манбага кўра, 21 ёшли чехияликнинг трансфери "Тоттенхэм"га тахминан 12 миллион еврога тушади. Таъкидланишича, томонлар узоқ муддатли шартнома борасида келишиб олишган. Барча ҳужжатлар бугун имзоланиши керак, деди журналист.
Жорий мавсумда Кински барча мусобақаларда 29 та ўйин ўтказиб, 18 та гол ўтказиб юборди ва 14 та ўйинда ўз дарвозаси дахлсизлигини сақлаб қолди.
