Mikel Arteta "Arsenal"ga "Brayton"ga qarshi o‘yinda nima yetishmayotganini tushuntirdi. APLning 20-turida jamoalar 1:1 hisobida durang o‘ynashdi.
"Albatta, biz o‘yinda g‘alaba qozonishni xohlagandik. Bu qiyin o‘yin va ularda juda yaxshi jamoa bor. Yaxshi boshladik, chiroyli gol urdik va vaziyatni nazorat qildik.
Ikkinchi bo‘limda biz o‘yinni to‘liq nazorat qila olmadik va yetarlicha ustunlikni qo‘lga kirita olmadik, aniq golli vaziyatlar yarata olmadik va raqibning yarim maydonida jiddiy xavf tug‘dira olmadik.
Har uch kunda o‘ynaganingizda, siz bir xil o‘yin va raqobatbardoshlikni saqlay olmaysiz. Bugun ikkinchi bo‘limda bizga bu yetarli bo‘lmadi. Bugun bu charchoq masalasi emas edi", - dedi “Arsenal” bosh murabbiyi.
